über üs1

Nach äm Motto "gäng ä chli spinne" si mir zwöi sit 30 Jahr zämä 

ungerwägs. We mir öpis aapacke, de mit vouem Iisatz u ärä toue Portion Kreativität. Da mir sehr gärn spiele u rätsle, geischteret d Idee vomene eigete Spiukafi scho sit Jahre i üsne Chöpf ume. D Grössi, ds Ambiente u d Laag vo däm Lokau ir aute Mühli z Bigle hei üs derewä überzügt, dass mir hei gfunge, mir waages u mache üse Troum wahr!

​

Mir fröie üs druf, o öich mit äm Brättspiufieber aazstecke. Rund 150 Brätt- u Chartespiu warte druf, vo öich usprobiert z wärde. O aui "Nid-Spieler/inne" si bi üs härzlech wiukomme. Üses Café söu ä Träffpunkt für aui si - eifach zum ä gueti Zyt ha, sigs bimene Schwatz oder ärä gmüetleche Spiurundi.

 

Chömet verbi - mir fröie üs uf öich

​

Isabelle & Bruno

​